D Sache wo singe
(2002, M: St.W. Müller & R. Zoss/ T: R. Zoss)
Song hören
 
 
’ S tuet mi so druus, das Gred vo de Lüt; sie säge ging alls so präzis!
Das da isch mys – u das dert dys, morn isch de morn, u hütt isch no hütt!
’ S tuet mi so druus das Gred vo de Lüt. ’S lat mer ke Rueh!

I wünschti mir – sie chönnte d Sache la sy
wüll Sache wo singe, wie gärn ghör i die!
I wünschti mir – sie chönnte d Sache la sy
wüll Sache wo tüe singe, wie lieben i die!

’ S tuet mi so druus das Gred vo de Lüt. Morn isch morn, u hütt isch no hütt. ’S tuet mi druus das Ggränn u das Gschys: Dys isch nid mys, u mys isch nid dys! Wyss nid Schwarz, u Schwarz isch nid Wyss!
 
’ S geit alls so schnäll, grad no düre by Rot!
Sie wo alls wei wüsse u nagle mit Wort!
Nüüt isch ne meh heilig, ke Bärg, ke Ort!
Nüüt isch meh heilig, ke Bärg ke Ort
sie forschen im Labor, sie spiele Liebgott!
 
I wünschti mir – sie chönnte d Sache la sy
wüll Sache wo singe, wie gärn ghör i die!
I wünschti mir – sie chönnte d Sache la sy
wüll Sache wo tüe singe, wie lieben i die!
 
Dihr rüehret a d Sache – sie blybe nech stumm! Dihr bringet mer alli die Sache no um!