Risige Vogel
(T & M: R. Zoss; Yucatan/Mexiko 1976)
Song hören
Mängisch chum i mer vor wie ne risige Vogel
wo nid weiss, wo’s ne häre treit
Mängisch chum i mer vor wie ne risige Vogel
wo nume gspürt, wo’s nach Süüde geit
Mängisch chum i mer vor wie ne chüele Räge
wo duss im Herbst us ere Wulche gheit
Mängisch chum i mer vor wie ne chüele Räge
wo de Decher sy Gschicht verzellt
Mängisch chum i mer vor wie ne magische Ring
wo men ufe ne Guldwaag leit
Mängisch chum i mer vor wie ne magische Ring
wo men am faltsche Finger treit
Mängisch chum i mer vor wie ne hungrige Tiger
wo ir Nacht sy Wäg us de Stärne liest
Mängisch chum i mer vor wie ne hungrige Tiger
wo me jagt, u wäge sym Fäll erschiesst!
Mängisch brönnen i wie nes Füür i der Nacht
wo me dran lacht u Lieder singt
mängisch brönnen i wie nes Füür i der Nacht
wo, we me schlaft, no wytterglimmt
Mängisch chum i mer vor wie ne risige Vogel
wo nid weiss, wo’s ne häre treit
Mängisch chum i mer vor wie ne risige Vogel
wo nume gspürt wo’s nach Süüde geit
|